බකමූණෝ ඇහැරිලාද අද කලින්ම ඔයා
හවස දොයිය ගත්ත නිසා තදින්ම ඇස් පියා
මාත් අවදියෙන් තාමත් බලමි රැයෙහි ශ්රියා
ලොකු ඇස් දෙක ලොකු කරගෙන වැඩියෙන් තව ටිකක්
වට පිට විපරම් කරමින් හොයනවාද මලක්
පාට පාට මල් නැතුවට මොකටද සිත දුකක්
මල් වෙනුවට අර තියෙන්නෙ පායා තරු ගොඩක්
දිලිසෙන තරු දිහා බලාගෙන හිටියට හැබැයි
සමහර විට එකක් දෙකක් ගිනි ගෙන බිම වැටෙයි
ඉවසිලීමත් වුන තරමට සිත සැනසුම දැනෙයි
ප්රාර්ථනා කල හොඳහිත අපටම යලි ලැබෙයි
කියන කියන හැම දේටම හ්ම් කියා ඉන්නේ
මගෙ කියමං හරියි කියල කොහොමද දැන ගන්නේ
කලබල නැති සන්සුන් රැය සිත් සේ විඳගන්නේ
ඒකද අපි නිදියනකන් ඉඳ ඔබ ඇහැරෙන්නේ
© සිත්තර පැංචි
No comments:
Post a Comment