දැක තියෙනවදෝ කියන්න මේ වගෙ ලස්සන අහසක්
නිවුන්නු වගෙ පායාලා තියෙන්නෙ දේදුනු ඩබලක්
පහතින් අපෙ මාළිගාව උඩින්ම දිලිසෙන වහළක්
තාත්තයි අම්මයි එක්කල හිඳින්නෙ එහි දඟ මල්ලක්
පෙනේද සමනල්ලු එනව දේදුන්නේ සිට පාවී
මල් වල පැණි අරන් ආයෙ ඉගිළී එහෙටම යාවී
දැක්කොතින් මම ඉන්නව මටත් එන්න අඬ ගාවී
නොපෙනෙන්නට ඉන්න ඕන නැත්නම් උස්සන් යාවී
© සිත්තර පැංචි
2019-04-30
සරුංගලේ බිම වැටෙද්දි අල්ලගන්න කියා
මලක් නැමෙන හැටි බලන්න පහලට හිස තියා
ඊට කලින් දුවල එයා අල්ලගනිමු කියා
අම්ම එක්ක මං දුවනව තරගෙට හා කියා
ලස්සන මල් වගෙ එල්ලෙන කරාබු වල හැබැයි
පැටලුනොතින් සරුංගලේ නූල සොරිම තමයි
බැන බැන හරි පහලට විත් අහසින් බැස ගෙනයි
බේර ගන්න ඉන්නෙ ඉතින් ඉර මාමේ ඔබයි
© සිත්තර පැංචි
2019-04-30
