උසයි උසයි හරිම උසයි
දැන් නම් මම ගොඩක් උසයි
තව පොඩ්ඩක් ඉස්සී මල - බලන්න ඕනෑ
අනිත් කුරුල්ලෝ ඉගිලෙයි
මට බෑ මම තවම පොඩියි
උස වෙන්නට ඉනි මගකට - නගින්න ඕනෑ
අම්ම තාත්තගෙ පිට උඩ
මම අම්මාගේ පිට උඩ
මෙහෙම හොඳද ඔයාලගෙන් - අහන්න ඕනෑ
බර වැඩිවී තාත්තාට
අපිව බිමට ඇද වැටේද
වැඩිය වෙලා නොගෙන බිමට - බහින්න ඕනෑ
ඉගිල්ලෙන්න හැකි වෙන්නට
ලොකු වෙන්නට ඉක්මනින්ම
ගුණදායක කෑම නිතර - ගිලින්න ඕනෑ
කුරුළු පැටියා එහෙම කියයි
අමමා තාත්තා හිනැහෙයි
පොඩ්ඩො ඉතින් හුරතලේට - සිටින්න ඕනෑ.
© සිත්තර පැංචි.
No comments:
Post a Comment