Tuesday, January 24, 2023

134. ලස්සන රට

 


ඉර පායාගෙන ඇවිදින් උදෙන්ම රුවට 
පාට පාට ලස්සන මල් පිපෙන්න හැඩට 
කුඩා සිනිදු පෙති සියල්ල තැලෙයිද පයට 
සුරන්ගනාවිට බහින්න බයයිලු බිමට 

දැවටි දැවටි සුළඟ ඇවිත් සිසිල බෙදන්නේ 
පුළුන් වගේ සුදු මීදුම් අවට ගලන්නේ 
මේ ලස්සන සුරංගනා ලොවෙත් නොවන්නේ 
නොයා මෙහේ නවතින්නටමයි සිත දෙන්නේ  

ලොකු හුස්මක් ඉතාම දිගු ඇය අරගත්තා 
මල් සුවඳින් මුළු නැහැයම පුරවා ගත්තා 
හෙට උදයෙත් ආයෙ එන්න සිහි කරගත්තා 
දුකින් වගේ මල් උයනෙන් ඇය සමු ගත්තා 

සුරංගනාවියන් හටත් ලෝබ හිතෙනවා  
අපිටත් හරි ලස්සන පොඩි රටක් තියෙනවා 
පොඩිහිටියන් සහයෝගෙන් එකමුතු වෙනවා  
මහන්සි වී සුවදායක හෙටක් හදනවා. 

© සිත්තර පැංචි
2023-01-24 


2 comments:

අලුත් සිතුවම්

136. සූකිරි දත්