පොඩි එළියක් පිටේ බැඳන් - කණාමැදිරියෙක් ඇවිදින
දැකල අහසෙ හඳ මාමට - හරිම හිනාවයි
ඕකත් එළියක්ද පැංචො - බැබලෙන මේ මං ඉඳිද්දි
මට නම් අද දවසෙ දැක්ක - ලොකුම විහිළුවයි
මට නම් අද දවසෙ දැක්ක - ලොකුම විහිළුවයි
ඔයත් එක්ක බැලුවම මම - ගොඩක් පුංචි බව ඇත්තයි
ඒ උනාට හඳ මාමේ - මේක අහන්නයි
ඒ උනාට හඳ මාමේ - මේක අහන්නයි
හැමදාමත් රවුම් වෙලා - ඔයා එන්නෙ නෑ අහසට
සමහර දවසට බැලුවම - කට්ට කළුවරයි
සමහර දවසට බැලුවම - කට්ට කළුවරයි
හිටියත් නැති උනත් ඔයා - ගහට කොළට එළිය දෙන්න
පුංචි උනත් මම නම් හැම - දාම එනවමයි
පුංචි උනත් මම නම් හැම - දාම එනවමයි
ලොකු ලොකු වැඩ බැරි උනාට - පුංචි මටත් හැකි අයුරින්
කාට නමුත් පිහිට වීම - මගේ යුතුකමයි.
කාට නමුත් පිහිට වීම - මගේ යුතුකමයි.
© සිත්තර පැංචි
No comments:
Post a Comment