නෙලුම් විලේ මල් පිපිලා - බොහොම අගෙයි අද
අම්මා එක්ක මම ඉවුරේ - බලා ඉඳිමි හැඩ
උදේ වැටුණු පිනි වැස්සෙන් - නෙලුම් කොලේ උඩ
මැණික් වගේ දිලිසි දිලිසි - ඉන්නව පිනිකැට
මැණික් වගේ දිලිසි දිලිසි - ඉන්නව පිනිකැට
හරිම ලස්සනයි අම්මේ - දැක්කද අර පිණි
මැණික් වගේමයි පේන්නෙ - මාවත් රැවටුනි
මැණික් වගේමයි පේන්නෙ - මාවත් රැවටුනි
දිලිසි දිලිසි හිටියට පිණි - නෙලුම් කොලේ උඩ
මොනවා වෙයිද බලමුකො අපි - වැටුනම වතුරට
මොනවා වෙයිද බලමුකො අපි - වැටුනම වතුරට
කියනකොටම අන්න එකක් - පහලට වැටුණා
දිලිසෙන් නෑ නොපෙනී ගොස් - වතුරේ ගිලුණා
දිලිසෙන් නෑ නොපෙනී ගොස් - වතුරේ ගිලුණා
හරි පුදුමයි නේද අම්මෙ - ඒක දකිනකොට
කොහොමද ඒ වගේ වෙන්නෙ - නෑ තේරුනෙ මට
කොහොමද ඒ වගේ වෙන්නෙ - නෑ තේරුනෙ මට
පිනි බිංදුව නෙලුම් කොලේ - උඩ ඉඳ දිලිසෙයි
වතුරට වැටුනොත් මොහොතින් - එය නොපෙනී යයි
වතුරට වැටුනොත් මොහොතින් - එය නොපෙනී යයි
දිලිසෙනවා දියවෙනවා - තෝරා ගත්මගේ
අපිත් ඉතින් වෙනසක් නෑ - පිණි බින්දුව වගේ
අපිත් ඉතින් වෙනසක් නෑ - පිණි බින්දුව වගේ
අපිට සුදුසු තැන කොතනද - සිතා බලා මතු
හරිම කල්පනාවෙන් අපි - තෝරා ගත යුතු
හරිම කල්පනාවෙන් අපි - තෝරා ගත යුතු
© සිත්තර පැංචි
No comments:
Post a Comment