එක දවසක් හනි හනිකට
අනෝදා ගෙඩියක් කනකොට
අනෝදා ඇටයක් නොදැනිම - මා හට ගිලුනා
මොකද ඉතින් දැන් කරන්නෙ
කොහොමද මේ ඇටේ ගන්නෙ
බයක් හිතී මට හොඳටම - දාඩිය දැම්මා
මේක බඩේ පැල වේවිද
බයක් හිතී මට හොඳටම - දාඩිය දැම්මා
මේක බඩේ පැල වේවිද
කන් දෙකෙන්ම ගස් ඒවිද
කකුල් දෙකට මුල් යාවිද - අම්මෝ මට බෑ
කකුල් දෙකට මුල් යාවිද - අම්මෝ මට බෑ
කවුරුත් මට හිනා වේවි
පුදුමෙන් මා දෙස බලාවි
ඇවිදින ගස යැයි කියාවි - එතකොට මම පව්
ඇවිදින ගස යැයි කියාවි - එතකොට මම පව්
අම්මෙ අම්මෙ මේ අහන්න
කරන දෙයක් මට කියන්න
බැරිම තැනදි වුන දේ මං - අම්මට කිව්වා
බැරිම තැනදි වුන දේ මං - අම්මට කිව්වා
ගණන් ගන්න එපා පුතේ
කෑමත් යන මගක් ඇතේ
උදේට අර ගමන යද්දි - ඕක යන්න යයි
උදේට අර ගමන යද්දි - ඕක යන්න යයි
අම්මා කිව්වා වගේම මං
උදෙන්ම ඒ ගමන ගියා
දැන්නම් මේ පුංචි බඩට - හරිම සනීපයි
දැන්නම් මේ පුංචි බඩට - හරිම සනීපයි
බඩේ ඇටේ පැලවුනෙ නෑ
කනෙන් ගහක් ආවෙත් නෑ
තාම හොඳට මං ඉන්නවා - මට හරි සතුටුයි
තාම හොඳට මං ඉන්නවා - මට හරි සතුටුයි
කෝක උනත් කන බොනකොට
හදිස්සි වෙන්නට හොඳ නෑ
පිළිවෙළකට හෙමින් කෑම - තමයි හොඳම දේ.
පිළිවෙළකට හෙමින් කෑම - තමයි හොඳම දේ.
.
© සිත්තර පැංචි
No comments:
Post a Comment