Tuesday, November 10, 2020

80. යාළුවෝ අපි යාළුවෝ


















පාන්දරින් අවදි වෙලා - කපුටු කාක් කාක් කියා
තටු පීරලා හොට මැදගෙන - ආව ඔන්න මං 

උදේ පිපුණු මලක් වගේ - ආසයි දැක්කම හරියට
පුංචි බබා ඔතන මොකද - කනවද ඔය බත්

පියඹලා ඇවිත් දුරක් - මටත් බඩගිනියි දැන් නම්
පින් සිදුවෙයි බත් ගුලියක් - මටත් දෙනව නම්

කළුම කලුයි අඟුරු වගෙයි - ලස්සන නෑ ඔයා කැතයි
ඒ හින්දා බෑ දෙන්නට - ඔයාට මගෙ බත්

අර පැණිබොන සමනලයා - දැක්කද මල උඩ ඉන්නා
දෙන්නේ බත් ඒ වාගේ - අයට තමයි මං

හා හා හා පුංචි බබෝ - එපා ඔහොම නපුරු වෙන්න
කළු උනාට එයත් අපේ - යාලු කුරුල්ලෙක් 

සමනලයෙක් වෙන්න කලින් - මාත් කැතම කැත පණුවෙක්
අහක බලන් යන්නට යයි - බබා දැක්ක නම්

කපුටු හාමි සමාවෙන්න - බත් ගුලියක් මගෙන් කන්න
සමනලයෝ ඒ කියමන - හිතට ගත්ත මං

ලස්සන කැත නොවේ ඇඟේ - යාලුකමයි ඕන හිතේ
ලස්සන එතකොටයි ලෝකෙ- බබා දනී දැන්
.
.
.

No comments:

Post a Comment

අලුත් සිතුවම්

85. බකමූණු නින්ද