නාස්ති කරගෙන වෙලාව පාට කරන්නට
ඉස්සර වගෙ නෙවෙයි හරිම බිසිදැන් බෑ මට
කොලයක් අරගෙන ඇඳගෙන ඇඳගෙන යන්නට
ඇත්නම් ඒ හොඳටම ඇති මම වැනි බබෙකුට
මල් අඳින්න ආසාවක් පොඩි කාලේ ඉඳන්
තියෙනව මට පේනවානෙ මේ දැක්කම හිටන්
පාට නොකර උනත් හොඳට හැඩ වැඩ ටික අරන්
අඳිනව නම් මෙන්න චිත්‍ර බලන්න ඇස් වහන්
අම්මට මගෙ හිටපු ගමන් දුකක් හිතුන විට
ඉන්නෙ මෙන්න මේ වාගේ මයි බුම්මාගෙන
එවිට හනික ලඟට දුවන් ඇවිදින් මේ මම
උම්මා එකක් දුන්න සැනින් හරි යයි ඔක්කොම
පිහාටු දෙක සමනලයගෙ අද අමතක වෙලා
ඒ උනාට කොන්ඩ දෙකක් ඇත ඔලුවෙහි ලිහා
පැණි උරද්දී කොන්ඩ ගහක් පැටලුනොතින් වහා
කඩා දැමිය යුතු වේ එය පුරස්නෙකට මෙහා
පිපිච්ච මල ගෙන බාරෙට සමනලයින් පැණී
බොනවා නොව හිටු කියලා ඇතිවීමක් නැතී
කුරුල්ලන්ට බලන් ඉඳල දැන් හොඳටම ඇතී
බයකරලා එළවගන්න ලොකු සටනක් දෙතී
© සිත්තර පැංචි
No comments:
Post a Comment