අම්මලාට කොහේ ගියත් හරි හරියට වැඩ
විවේකයක් අරගන්නට කොහෙත්ම නෑ ඉඩ
තාර බබා පරිස්සමින් නංවන් පිට උඩ
ලුණු ගෙනියන සෙල්ලම මේ කරන්නෙ දිය පිට
මේක දැකපු මාළු බබා හොඳට හිතල බලා
පීන පීන හිටි මල්ලිට ලඟට කතා කළා
කියමු කියමු අපිත් ගිහින් අම්මට වහ වහා
අපිටත් හවසට කරන්න මේ සෙල්ලම හොඳා
හැමදාමත් බෑ අම්මට කරදර දෙන්නට
හවස් වෙද්දි පටන් ගනී කොන්ද රිදෙන්නට
යාලුවන්ට එන්න කියල පිට උඩ යන්නට
මට පුළුවනි අද තනියෙන් ලුණු ගෙනියන්නට
පුංචි කමට වෙලාවකට දඟකාරයි තමයි
ඒ වුණාට පුංචි පැටව් කවුරුත් හරි හොඳයි යමක් කියා තේරුම් කල විට ඒ ගැන සිතයි
එහෙම පුංචි ළමයි ඉන්න ලෝකෙම හරි හැඩයි!
© සිත්තර පැංචි
No comments:
Post a Comment