3. පලතුරු ගස

මේ ගසේ බොහෝ රතු ඇපල් තිබේ

පැහිල ඉදිල දිලිසි දිලිසි බරවෙලා අතු

පුංචි පවුලට ගෙඩි තුනක් ඇතී

තාත්තා අම්මා එක්ක මමයි තුන් දෙනයි අපී.

© සිත්තර පැංචි - 2018-01-22

© සිත්තර පැංචි - 2022-11-07



2. මල් පඳුර

පඳුරක් ඇති බබෙක් ඇඳපු කොළ කොළ පිරිලා
අත්තක් ගානේ එහි ඇත රතු මල් පිපිලා
බලියක් වගෙ ඇඟ පුරාම සායම් ඉහිලා
නඩුවක් වෙයි කහට ගවුමෙ නොගියොත් මැකිලා

ගෙවී ගිහින්දින සති පොඩි අත ලොකු වෙනවා
පුංචි අතින් අඳින ගසුත් උසට වැඩෙනවා 

කෙරුම්කාරියට පොඩි කාලේ සිහිවෙනවා  
අනේ මංද මේවා ඇන්දෙ කියා හිතෙනවා 

© සිත්තර පැංචි - 2018-01-18

කාලය ගත වී ඇය දෙක වසරට එනවා 

ලැවැන්ඩර්ස් බ්ලූ ඩිලි ඩිලි කවිය කියනවා 

දිය සායම් අරගෙන මල් ඉතිද අඳිනවා

පරිස්සමින් පාට අරන් පාට කරනවා 

පුංචි කාලෙ ඇඳපු පඳුර දැන් හැඩ වැටිලා

ගොඩාරියක් මලුත් පිපිල බිමටත් නැවිලා 

සායම් බිඳු දෙකක් තුනක් ගවුමේ ඉහිලා

කමක් නැහැයි කියාවි ඉර මාමා එබිලා.

© සිත්තර පැංචි - 2022 -02-01  

1. රෝස මල

රෝස මලේ - නටුවේ කටු

වන බඹරෝ - ඔහොම හිටු

නටුව නොවේ - මල සිඹිමී

මම ළමයෝ - පැණි උරමී

පැණි බීලා - ඉවර වෙලා

මටත් දියන් - ගෙනවිල්ලා

යන්නට හැකි - දවල් වෙලා

හනික වරෙන් - පියාඹලා

රෝස මලේ - රේණු සැලේ

වන බඹරා - මොකද කලේ

මල නොතලා - පැණි බීලා

ඉනු බඹරෝ - සැනසීලා

© සිත්තර පැංචි

2018-01-08

රෝස මලින් පිරිලා තිබූ 

මල් උයනකි දෙඇස පිනූ 

මල් අතරේ මලක් බදූ 

මෙය ඇන්දේ බබෙකි සූදු 

මල් දැකලා වශී වෙලා 

මල් වත්තෙම නතර වෙලා 

ඉන්නෙමි මම ගෙන්දර නොයා 

කියනා සමනලයා එයා 

නුවරඑළිය හරි සීතයි 

මල් දැක්කම හරි ලෝබයි 

පාට පාට සුවඳ ගොඩයි 

දාල එන්න හිතට දුකයි 

ස්ටෝබෙරි වත්ත මැදින් 

ඇවිදින විට පුදුම වෙමින් 

අතු ඉති මත දිලෙන සුදෙන්

මල් තිබුණා සුවඳ දෙමින් 

පොඩි ගෙඩි ලා රෝස පැහෑ 

තාම හොඳට ඉදිලා නැහෑ 

සුවඳ ඉවස ගන්න බැහෑ 

දුටු පමණින් පිනයි ඇහෑ

ආසම පලතුර මාගේ 

ආසාවෙන් කනවානේ 

ස්ට්‍රෝබෙරි රස වාගේ 

රසක් ලොවේ නැතුවානේ.

© සිත්තර පැංචි 

2022 -10- 08